【報紙】許志安被催生 按穴位壯陽

* 編按:
一講就笑死人 ，都不給人家唞氣位的.... 然後唱歌又勁感動，搞到人地起晒雞皮....
你真係好衰架....

日期: 2015年5月3日
來源: 東方日報

許志安被催生 按穴位壯陽

許志安、梁漢文（Edmond）、蘇永康（蘇康）和張衞健（Dicky）四人相識多年，安仔開騷亦邀三人任嘉賓，眾兄弟知道安仔新婚，紛紛向他教路，其中Dicky先勸他不用太落力儲奶粉錢：「呢個世界有人奶o架。」而蘇康更指要他多按湧泉穴，笑言包保許太今晚好唔得閒！

許志安前晚在紅館為其《Come On 2015》演唱會進行第二場演出，延續首場的精彩表現。而嘉賓方面則找來好兄弟梁漢文（Edmond）、蘇永康和張衞健（Dicky）組成BIG FOUR，向觀眾大放笑彈。其中兄弟們為賀安仔新婚，紛紛為他出謀獻計望他早日榮升爸爸。

「BIG FOUR」兄弟聚首不停放笑彈。

合唱齊感觸落淚

其中Dicky甫現身就問安仔：「你最愛光脫脫？定瘦蜢蜢呢？」然後又指安仔：「我上咗嚟咁耐，點解你都唔介紹吓我嘅？」正當安仔想開口時，Dicky即打斷他：「你認為有咁嘅需要咩？邊個唔識得我？你係咪畀人灌你迷湯，定減肥減到傻咗？」立即全場爆笑。

然後Dicky又自稱叫「老奉」，他說：「次次你開騷我就老奉要嚟，老奉要講好多嘢同老奉冇錢收。」然後又質問安仔：「你刮埋刮埋咁多錢做咩？儲奶粉錢呀？呢個世界有人奶o架。」無力還擊的安仔不停點頭乖乖受教，同時台下即報以熱烈的歡呼聲，到兩人合唱《明星》時，一同都感觸落淚，場面感人。

安仔與Dicky唱到感觸攬攬。
(* 編按: 這張相好像拍得太美了吧?!)

撳咗許太唔得閒

其後Edmond和蘇康一同上台，Dicky此時即指着台上安仔的大型頭像布景向兩人說：「入屋叫人，入廟拜神，見到咁大個『許大仙』都唔拜吓。」然後三人齊向安仔的頭像鞠躬，蘇康指着頭像下方笑說：「呢個湧泉穴壯陽o架，撳咗許太今晚好唔得閒。」在旁的安仔繼續在傻笑，但台下就以更為熱烈的掌聲和應。

另外，前晚演出時亦發生過一段小插曲，蘇康原定演唱《那誰》時，在升降台出場與安仔對唱時，但咪高峰卻突然失靈，要等工作人員換咪，其後觀眾大叫Encore，蘇康就向安仔說：「咁返落去再唱多次。」又叫觀眾：「你哋Keep住個情緒。」獲全場掌聲鼓勵。