【報紙】否認老婆張茜有喜: 絕對唔係

* 編按:
不知道有沒有否認到累了呢?
都唔明咩諗法，著平底鞋就孕味濃，唔俾人腳痛或鍾意舒服放鬆架咩.... 汗。
用到「絕對唔係」和「信我」，相信都已經夠肯定了吧~

其實呢.... 好想問一句，點解唔同報紙的記者都咁唔識問問題架呢?!
有冇BB我地其實唔係好關心架咋，有就有，冇就冇，有冇都一樣....
難得Big Four四個同場咁齊人，竟然問都唔問幾時再開演唱會或其他搞作???
I really want my Big Four!!!!

日期: 2016年2月18日
來源: 蘋果日報

【身型圓潤】張衞健係咁否認老婆張茜有喜：絕對唔係，信我

現年51歲嘅張衞健恨做老竇，可惜太太張茜喺08年不幸小產，當時懷孕8個月嘅張茜痛失胎兒，兩夫婦都傷痛欲絕！最近有傳張茜疑再有喜，日前健仔拖老婆到馬場出席活動時，着大褸嘅張茜身型圓潤腳踏平底鞋，孕味十足。

剛巧今日係張茜嘅42歲牛一，本報致電健仔恭喜做老竇，不過佢連聲否認：「唔係呀，唔係呀，真係唔係呀。」記者話張茜肥咗似有喜，健仔話：「咪肥咗囉就係。」係咪未夠三個月怕BB小器？健仔否認：「絕對唔係，信我。」

之前健仔同老公一齊慶祝老婆張茜生日

愛妻號健仔日前約好友許志安、鄭秀文、梁漢文夫婦、蘇永康夫婦、雷頌德夫婦為老婆慶生，張茜在微博貼相並留言：「 多謝老公和好友們昨天為我提前過生日。幸福感滿滿的。人到了一定年紀，對幸福的感觸較以前會更深更敏感。大家可以為我百忙中抽時間來、為我親手制作愛的蛋糕、為我到處尋找煙花蠟燭、為我定制菜單、為我寫下賀卡……!還有挑選禮物。整個生日都是愛。我很感恩這愛的生日。」