來源: 東方日報
網民熱話：“西遊記”之張衛健型到跌渣
賀歲片《西遊記之孫悟空三打白骨精》卡士強勁，由天王郭富城飾演孫悟空、羅仲謙做沙僧、馮紹峰做唐三藏，仲有內地演員小瀋陽飾演豬八戒，配搭非常新鮮！雖然城城喺《西遊記之大鬧天宮》入面扮過牛魔王，不過做孫悟空就真係第一次，網民都話好期待城城嘅演出！講起《西遊記》，其實近20年嚟做過唔少版本，好似前年喺無綫播出、由徐錦江扮沙僧嘅內地版就負評多多，所以要數最經典，網民就一致話演過兩次孫悟空、又創出唔少金句嘅張衛健喇！
張衞健做過兩次孫悟空，不過同樣討好，仲有唔少金句到依家大家都記得！
(* 編按:
是“我係如來佛祖玉皇大帝觀音菩薩....”才對呢~)
Yo！使乜驚呀！
喺1996年《西遊記》，由麥長青（沙僧）（左起）、張衞健（孫悟空）、江華（唐三藏）、黎耀祥（豬八戒）做嘅最令人深刻！
(* 編按:
又落錯想了.... 這張相裡的是1998年的陳浩民版, 不是Dicky啊....
普通人對於貼滿毛而認錯也不出奇, 只要分得清楚知道演技較好的是誰就可以了~)
回想起，原來都廿年喇！小編都好懷念呀！！！
呢四師徒網民話係最有火花！
就好似1996年無綫劇《西遊記》，做到出神入化嘅張衛健時不時都講“Yo！使乜驚呀！”同“我係花果山水濂洞美猴王齊天大聖孫悟空”，真係掉轉都識背！而四師徒中，江華做嘅唐三藏、黎耀祥扮嘅豬八戒同麥長青做嘅沙僧一樣令人留下深刻印象，網民話一向演技好嘅江華真心扮乜似乜，將唐三藏嗰種慈悲為懷嘅性格做到入型入格，又話視帝黎耀祥雖然憑“柴九”彈起，不過喺網民心目中，佢最經典嘅角色始終系豬八戒！
我係花果山水濂洞美猴王齊天大聖孫悟空呀！
黎耀祥雖然係憑「柴九」攞視帝，不過網友話最鍾意佢做嘅係豬八戒！
而喺2002年，張衞健再演孫悟空，啲金句更上一層樓！
「型到跌渣！」你唔係唔識啩？首歌仲好好聽呀！
去到2002年，張衛健再喺《齊天大聖孫悟空》中做孫悟空，但唔止冇令人反感，網民仲非常之Like！尤其是首主題曲段Rap“我攀得高時看得遠 天算地算不如我心算”，真係見字有聲！張衛健仲愈做愈調皮，加上佢嘅搞笑口頭禪，好似“型到跌渣”、“劈啪你個隆的咚呀”，仲有嗰句長到爆Seed嘅“我係如來佛祖玉皇大帝觀音菩薩指定取西經特派使者花果山水簾洞美猴王齊天大聖孫悟空”，真係過咗廿年都仲記得點背呀！雖然《西遊記》有唔少版本，就好似1998年《西遊記（貳）》，無綫換咗陳浩民做孫悟空，但始終味道差少少咁咯！
1998年換上陳浩民做孫悟空，不過網民反應就一般！
內地版嘅《西遊記》……不解釋……
今次《西遊記之孫悟空三打白骨精》就由城城做孫悟空！
============================================================
網民有話兒：
Loxx Mxx Cxxxg：江華真心好犀利，做乜似乜，做唐僧可以做到果（嗰）種慈悲為懷入型入格
Cxxxdy_txxg：張衛健個（嗰）套連首歌都好聽過人，歌詞好有志氣，聽到人嘖嘖讚好。
Rixxy Woxx：簡直系無敵陣容，仲有陳妙瑛做既（嘅）白骨精都維肖維妙～
Kxx Kxi Hxxey：近排翻睇緊。 。 。正。 。 。
Kxxly Lx：張衛健做孫悟空真係型到跌渣，到依加都仍然覺得黎耀祥係豬八戒
沒有留言:
發佈留言