相關影片可以按這裡觀看。
日期: 2017年3月6日
來源: 蘋果日報
【拍勻中港台劇】扮孫悟空最經典 張衞健創金句：Yo！使乜驚！
現年52歲嘅張衞健，喺觀眾眼中，演藝作品比較深印象，但其實佢係歌手出身，於1984年參加「第3屆新秀歌唱大賽」，仲得到金獎，但佢翌年已經開始拍劇，處男作係《中四丁班》，同年仲有套《開心女鬼》㖭！
喺佢逾30年嘅演戲生涯中，其實佢拍過唔少經典劇集，先數佢出身嘅大台，《老友鬼鬼》、《我愛牙擦蘇》、《龍兄鼠弟》等，都係至今家傳戶曉嘅張衞健代表作，而最夠人氣嘅當然係《西遊記》，張衞健喺劇集內嗰句「Yo！使乜驚！」仲成為當代嘅流行口頭禪，而佢喺劇集中自我介紹嗰句必定開場白「我係花果山水簾洞美猴王齊天大聖孫悟空」亦流行一時。
《我愛牙擦蘇》劇照
《西遊記》劇照
《城周》圖片
張衞健扮嘅孫悟空家傳戶曉
喺離開香港之後，張衞健分別喺台灣同大陸都拍過唔少劇集，包括《少年英雄方世玉》、《小寶與康熙》、《少年張三豐》、《伙頭智多星》、《小魚兒與花無缺》、《陳夢吉傳奇》等，都大受歡迎，而佢最「響朵」嘅《西遊記》，更喺2002年被台灣八大電視翻拍，變成《齊天大聖孫悟空》，合演啲卡士粒粒紅星，包括Twins、楊恭如、袁詠儀、鄭秀文、曾志偉、謝霆鋒，以及張衞健班Big Four好兄弟梁漢文、許志安同蘇永康。
《城周》圖片
《齊天大聖孫悟空》劇照
《小寶與康熙》劇照
《小魚兒與花無缺》劇照
張衞健嘅金句風格亦有保留，喺《齊天大聖孫悟空》中，張衞健再扮孫悟空，金句再出，包括「型到跌渣！」同「噼啪你個隆的咚！」而喺《小寶與康熙》中，就有「涼風有信，秋月無邊，虧我思嬌的愁緒好比度日如年。雖則我唔係玉樹臨風瀟灑倜儻，但我有廣闊的胸襟加強勁的臂彎。」全部都係經典中嘅經典。
《神探方天謬》劇照
《少年張三豐》劇照
《天下無雙》劇照
《功夫足球》劇照
《機靈小子》劇照
上文提到嘅部份中台劇集更獲香港電視台以外購劇形式買番嚟播，所以就算張衞健轉移自己個發展基地，但係喺香港都仲可以睇到佢主演嘅作品。
(來源: 影片截圖)
沒有留言:
發佈留言