【報紙】澄清唔係有特權 只係有充裕時間休息

日期: 2017年3月1日
來源: 蘋果日報

【好似返咗母校】張衞健澄清唔係有特權 為拍戲推Job勁肉痛

52歲嘅張衞健(Dicky)喺上月中高調宣佈返大台拍賀歲劇《大帥哥》，雖然今次回巢嘅酬勞唔多，不過聽聞Dicky講明每日只可以拍12個鐘，其次係要有權度橋、隨時改劇本甚至拍檔對白，事後Dicky承認有充裕時間休息，唔介意拖長拍攝期，仲話每次都係開工後有頭緒就會度吓金句。

張衞健澄清拍劇唔係有特權！

張衞健話今次係同無綫合作拍一套劇！


今日Dicky喺將軍澳為《大帥哥》試造型，隔咗21年回巢拍劇，Dicky話心情好似返咗「母校」，不過今次只係會拍攝一部劇，同時亦再次為有特權一事解話：「冇乜特權，不過每一天都需要休息時間，如果計埋瞓覺、沖涼、食飯、同老婆張茜傾電話，再加埋準備第二日拍攝嘅嘢，加加埋埋大約係要12個鐘。」

Dicky話同蔡思貝合作好新鮮。

Dicky話為咗呢套劇推咗唔少job，勁肉痛。

好有艷福喎！

講到改劇本，Dicky話：「我諗冇一個劇本係完美，通常都係邊拍邊改，公司都有希望我有啲嘢會加入去，但係我唔會喺開工之前有頭緒，嗰啲金句通常係邊拍邊諗，靈感到咪澎澎聲加入去。」佢仲話估唔到大家會咁大迴響：「0依家搞到我有啲壓力，要調節返去玩嘅心態，我仲為咗呢套劇推咗好多job，真係有啲肉痛，我叫咗佢哋唔好再講推咗幾多個job，反正我都鍾意拍戲嗰陣唔做其他嘢，專心開工。」