【網絡】《大帥哥》出山12月播出

日期: 2018年11月8日
來源: 娛樂LOL

張衞健《大帥哥》倉底出山12月播出 《救妻同學會》11月尾週日首播

係人都知上年年初無綫隆重邀請咗張衛健回巢拍攝《大帥哥》，當時仲有「樂小姐」樂易玲和「珍姐」曾勵珍陪相隔21年回歸嘅張衛健完成簽約儀式。劇集上年9月已煞科，唔少人都好期待《大帥哥》嘅播出，點知等極都冇，仲由台慶劇慘變倉底貨。近日終於有播出日期啦，原本係台慶劇嘅《大帥哥》變咗2018年壓軸劇集於12月3日播放，而《救妻同學會》就會喺11月25日逢星期日播出。

觀眾等了又等嘅民初劇《大帥哥》，有張衞健加持，加埋洪永城、蔡思貝、曹永廉及徐榮等新組合，好多粉絲高喊超期待，張衞健嘅演出有望推高收視！