來源: 東方日報
回巢演《大帥哥》 張衞健收服三索妻
闊別無綫娘家逾廿年的藝人張衞健（Dicky），最近「回巢」為無綫年度壓軸劇孭重飛，率領一班小生花旦上陣，上演一段軍閥割據時代的奇遇故事。擁有蔡思貝、楊秀惠及譚凱琪三個老婆的Dicky，劇中享盡齊人之福，眾女對這位哎吔老公讚不絕口，指他於提升劇本的技能無人能及、轉數快兼記性好，一口氣念幾頁對白也面不改容，獲益良多。
近年鮮有拍港劇的張衞健，去年獲無綫高層曾勵珍邀請接拍無綫年度壓軸劇《大帥哥》，夥拍蔡思貝、楊秀惠、譚凱琪（Zoie）、洪永城、曹永廉、徐榮、李嘉等花旦小生，將緊接《是咁的，法官閣下》於下月3日晚上9時30分播出。故事講述Dicky由小兵變成軍閥，有錢兼有權，聯同幾個兄弟所遇到的荒唐事，當中更要糾纏於三位太太之間，雖然每位姨太太接近其身邊均有目的，但最終被他的真誠打動而愛上。
張衞健在劇中糾纏於三個太太之間。
楊秀惠飾演蜘蛛精，有風塵味道嘅歌手。
譚凱琪入面角色係雙面人好難捉摸。
床戲點到即止
對於Dicky每次演出均有獨特演繹風格，監製徐正康受訪時透露對方有微調一些口語化對白： 「都預咗，但大家合作性好好，佢嘅演出方法， 同新派演員磨合後好有化學作用，同埋愛情戲處理得幾好，表面覺得自己瀟灑，其實內裏情深義重。」劇中艷福無邊的Dicky，笑指三位太太均為他爭風呷醋：「秀惠係蜘蛛精，有風塵味道嘅歌手，實質內心極度柔弱，需要男人保護，佢代表到好多女仔嘅心態；思貝係一支有刺嘅玫瑰花， 唔會討好我；Zoie就係雙面人好難捉摸。（有冇親熱戲？）有三個太太一齊嘅床戲，但點到即止，好健康同小心。」
「大帥哥」張衞健創意十足，可將劇本反轉再反轉，提升水準。
蔡思貝想殺夫
飾演革命黨的思貝，起初接近Dicky身邊，實質想殺死他，後來卻產生感情。對於首度與這位分量級前輩合作，思貝揚言獲益良多：「佢喺提升劇本技能無人能及，厲害到將一場戲反轉再反轉，變到好精彩，創作能力高，分析劇本好勁。」演日本間諜的Zoie表面斯文，內裏卻工心計，大讚Dicky記性非常好：「幾頁對白唔NG都講到，拍攝期間又畀好多意見我哋，仲成日一齊對戲。」
飾演革命黨蔡思貝接近張衞健身邊，本來想殺死他。
演明星仔的秀惠則被老公硬生生送給Dicky當姨太太，坎坷非常，坦言拍攝半年間壓力重重，皆因角色複雜，加上面對這位出名轉數快的前輩演對手，故準備工夫也做到足：「佢真係好有天分，好在都順利度過，印象最深係只要佢在場，就會有好多零食同香蕉。」
洪永城扮COOL惹誤會
Dicky劇中有四個兄弟， 分別是洪永城（Tony）、曹永廉、徐榮及李嘉，眾人由無名小兵升格到有權有勢， 原本感情要好， 有錢齊齊使，首集更有幾個鐵漢一起沐浴的場口，但隨後因一些經歷， 令兄弟關係產生變化，當中還出現三大敵人古明華、彭懷安和張達倫出來搞事，誓要令張衞健管轄的市鎮搞到立立亂。
洪永城為投入角色而不苟言笑。
劇中性格冷酷及殘忍的Tony，笑指拍攝時為投入角色酷到爆，連Cut機也粒聲唔出兼笑容欠奉，結果令同劇演員誤以為他唔開心： 「其實係我入咗角色啫！嗰半年不知拍得幾開心，因為Dicky係我見過最叻創作嘅演員， 每個場口都畀好多Input， 令畫面睇上嚟豐富咗， 佢嘅用心搞到我好慚愧，因為每次見佢都專心度點做得更好、更有趣，好多方面想向佢學習。」
李嘉（左起）、徐榮、張衞健、洪永城和曹永廉放笑彈。
曹永廉李嘉兄弟和好
於劇中演軍師、經常在Dicky身邊獻計的曹永廉，小時候是李嘉的伴讀老師， 其後失散，由於李嘉對阿廉存有誤會，以致長大後對人不信任，每次僅以幾個字交代所指，直至後來解除誤會才變回好兄弟， 一起與Dicky 打江山。阿廉透露與Dicky相識廿多年終有機會一起開工，直言其工作態度認真，創作能力強：「聽佢念7頁紙唔會悶，有晒動作配合，係天才，我唔係呢個材料，佢嘅演技我有排都學唔到。」
沒有留言:
發佈留言