來源: 蘋果日報
拍劇撩動內心
下月播出的《大帥哥》，是00年播出的《小寶與康熙》後，張衞健在無綫復出的第一套劇。當年離開，健仔表示皆因96年拍完《西遊記》傾續約時，有人對他說：「你張衞健唔黐毛嘅話，係唔值錢嘅！」不甘被睇死的健仔便離開。健仔自覺當年欠了觀眾一個交代：「我由走嗰刻，感覺好似同觀眾不辭而別，咁多年我有一句說話，積咗個心最底層，成日都會迴響，隱隱地覺得我欠香港觀眾一套劇！」
張衞健拍過不少令人難忘的劇集，《西遊記》的孫悟空令他事業更上一層樓。
《大帥哥》雖於「炮灰期」播出，但健仔慶幸有網民支持：「好快已感覺開心，因為見到網民寫：『還我《大帥哥》』，我睇到好warm，原來佢哋真係掛住我！」近年他拍內地劇為主，健仔坦言珍惜拍港劇的機會：「我會同自己講：『張衞健，你下次再用廣東話喺香港拍長劇係幾時？』每場戲設計對白身體語言，我都enjoy！」
沒有留言:
發佈留言