來源: 東方日報
《大帥哥》班底飯敍 楊秀惠晒溫馨全家福
無綫劇《大帥哥》之前播出時掀起追劇潮，除咗因為張衞健回巢夠吸引之外，一班同劇演員如楊秀惠、譚凱琪等嘅發揮都好出色。呢日楊秀惠喺社交網上載咗張「家庭聚會」嘅相，原來係《大帥哥》班底嘅飯敍！「大帥哥」、「天嬌」、「艾妞」、「沅婉」、「馬炭」、「羅義」、「顧落蘆」、「冬來」同「細龜」都喺齊度，睇劇時啲回憶返晒嚟！
《大帥哥》成班演員相約飯敍，追劇回憶返晒嚟～
原來個飯局約咗大半年先人齊。
三位「姨太」同「大帥哥」，呢個畫面好有愛。
譚凱琪透露呢個飯局約足大半年先人齊，而楊秀惠留言表示：「今日出席家庭聚會✌️#大帥哥 圖三：洪爺，你把聲🎤好響咯😅 @guruhung」有份出席嘅蔡思貝都有晒大合照，仲感性表示：「在他們面前，我可以坦然自在的做自己，我想，這種像家人般的相處，是一種緣份（分）。」佢仲搞笑咁話同呢班人食飯，似係好似有幾廿個嗲哋媽咪夾餸畀佢添，聽落都覺得好溫馨呀。
捉緊機會影相留念。
好Warm呀～
三位「姨太」同框。
咁齊人真係好難得！
希望可以再見到佢哋一齊拍劇！
睇番啲相，見個個都笑容滿面，連喺電梯裏面都要影搞鬼合照，三位「姨太」仲大玩變臉App，key住個貓樣嘟嘴賣萌兼放電，迷人又可愛，電到班粉絲暈晒大浪！
沒有留言:
發佈留言