來源: 騰訊網
《利瑪竇》感動全場 群星撐王梓軒陳潔儀
劉松仁籌備兩年多、一連十二場的音樂舞台劇《利瑪竇》，日前在尖沙咀文化中心正式公演，每場均有不少圈中人到場欣賞，多位也屬重量級人馬，如徐小鳳、汪明荃、薛家燕、羅蘭、鍾楚紅、張衛健和方力申等，星光熠熠，十分熱鬧。
雖然台下有多位演藝人觀看著，但男主角王梓軒和女主角陳潔儀在台上也毫不怯場，盡顯超卓歌藝和演技，其中近尾聲的一幕叫人最人感動，不單止台下觀眾睇到眼濕濕，就連王梓軒也說：“我喺台上都被感動到喊！”事後恩保德神父在台上自爆與劉松仁相識60年，“60年前，我接觸佢(松哥)，佢系細路仔，我唔敢講佢嗰時系6、7歲定9歲，我哋一直都係朋友，我好開心同呢個朋友做呢個有水平嘅舞台劇，佢為咗呢個舞台劇奉獻咗兩年，兩年冇做過其他嘢。”
陳志明神父(右一)與不少圈中人十分熟稔，張衛健和許紹雄等人也是他邀請的。
陳志明神父、羅蘭、胡楓、許紹雄和張衛健等人在開場前把握機會合照一番。
不少看過此音樂劇的藝人也感受甚深，其中薛家燕表示十分精彩，“睇到整體製作好用心，好欣賞松哥，知道佢花咗兩年時間去編排、監製、製作，王梓軒好正，陳潔儀把聲好靚，佢哋後生做到老都好睇，整體演員都做得好好，令我為之讚歎。”方力申則大贊王梓軒，“好感動！感受到台前幕後都好有誠意，一年前松哥有同我講過呢個故仔同籌備，嗰時已經非常期待……梓軒犀利到不得了，又要唱又要講意大利文、文言文咁多嘅對白，真係好利害，好好睇！”
劇中王梓軒和陳潔儀有多幕演出亦令觀眾為之感動。
謝幕時，幕後功臣之一的劉松仁也有上台接受大家掌聲。
恩保德神父在台上發言時，自爆跟劉松仁相識逾60年。
至於鄧萃雯就表示看後令她很感動，“劇本幾深，唔係一睇就即刻明，係需要時間消化，我今晚返去要再深深嗒嚇嗰陣味道……睇完對利瑪竇認識多咗，將西方文化、天主帶到去中國人係好困難，原來系花咗咁多咁多嘅年月同心力，同埋要不屈不撓，對我自己都好大提醒。”
沒有留言:
發佈留言