來源: 蘋果日報
【以蘆葦形容許志安】偷食獲原諒 張衞健指Sammi需要好大勇氣同包容
「安心偷食」事件第三日，Sammi鄭秀文終在IG開腔表示原諒老公許志安，並會與安仔「互相糾正，互相提點」，安仔的「Big Four」兄弟梁漢文，表示看過Sammi的文章後很感動，至於另一位兄弟張衞健，則在Sammi發文後接受《蘋果》電話訪問表示，Sammi原諒安仔是需要很大的勇氣及包容。
張衞健接受《蘋果》電話訪問解釋：「破傷的蘆葦，我所指係安仔，燈心亦指安仔，「祂不折斷」嘅祂，首先係聖經所講嘅天主，除天主亦代表Sammi，佢可以選擇折斷蘆葦，亦可以選擇扶持蘆葦；燈心都係同一個意思，天主可以選擇吹熄或保護燈心，Sammi同樣可選擇吹熄愛火或維護愛火！」
健仔又說：「喺佢哋祈禱下，Sammi得到天主賜勇氣、包容，呢樣需要好大嘅勇氣同包容，希望天主保佑所有夫妻活出愛嘅真正意義。」問到有否聯絡安仔？健仔說：「有留言畀佢，理解佢心情，冇期望佢覆我，只留言鼓勵佢，我希望佢哋可以快啲重拾生活正軌。」
沒有留言:
發佈留言