【報紙】張衞健嗌振作

日期: 2019年4月19日
來源: 東方日報

梁漢文：好感動  張衞健嗌振作

許志安背妻「偷食」馬國明女友黃心穎，安仔日前痛哭自責做了不被原諒的事，作為安仔的好兄弟BIG FOUR連日來都封口，當知道他獲太太原諒後，偷食事件前的飯局，有份出席的梁漢文說：「其實馬國明講得好啱，只有Sammi先有資格去為呢件事發言，所以我哋一班朋友唔去回應事件，希望件事唔會再因為一啲回應繼續發酵落去。睇到Sammi呢一段文章覺得好感動，亦希望呢件事可以盡快平息，所有嘢可以重回正軌。」

而張衞健（Dicky）則以舊約聖經中福音「依撒意亞書」的文字回應：「破傷的蘆葦，祂不折斷；將熄的燈芯，祂不吹滅。願天主保佑天下間每一對夫妻都能活出真正愛的意義。」他解釋指「破傷的蘆葦」及「將熄的燈芯」都是指安仔已不堪一擊，「祂」則語帶雙關，既代表天主亦指「她」Sammi，天主在危難中會扶持人們，亦想表達Sammi包容原諒了安仔。他表示事發後有慰問安仔，但對方完全自閉沒有回覆，所以朋友都很擔心，如今太太已原諒他，希望安仔振作，兩夫妻可以互相扶持，渡過難關。