【網絡】為卡通角色美猴王上身

日期: 2020年7月2日
來源: 華僑報 (澳門)

張衛健再扮悟空　為卡通角色美猴王上身

一講「花果山水濂洞美猴王齊天大聖孫悟空」呢句，啲回憶真係返哂嚟，Dicky張衛健最近就為全新《悟空小俠》卡通聲演「齊天大聖」一角，仲會主唱主題曲《花果山新星》添。

Dicky除咗會將佢多年嚟對孫悟空嘅詮釋重現，為香港版卡通作廣東話配音之外，仲為其他華語地區包括：台灣、新加坡同馬來西亞等地國語配音呀。

Dicky亦親自為主題曲填上急口令歌詞，十八秒一Take過讀晒成段一百一十九個字，佢仲笑言自己已將「孫悟空」角色發揮得淋漓盡致，為接受另一全新挑戰才決定聲演是次《悟空小俠》卡通。Dicky更藉機提醒小朋友要永不言棄，面對任何事都應保持信念，以「怕輸﹖無得贏！」作格言應對每一個挑戰，敢拼不怕輸才會迎來成功！

《悟空小俠之誕生篇》，七月十二日十時翡翠台播出。