【報紙】張衞健通宵拍劇 跪求拍檔唔好瞓

日期: 2021年1月1日
來源: 東方日報

張衞健通宵拍劇  跪求拍檔唔好瞓

黎耀祥與阮兆祥主持的清談節目《雙祥見》，邀得張衞健和麥長青做嘉賓，黎耀祥與2位師兄弟久別重逢，少不免重溫當年拍攝劇集《西遊記》的點滴。張衞健表示當年經常通宵拍攝，即使唔夠瞓都要保持最佳狀態，帶動氣氛：「印象最深刻係拍攝水簾洞，嗰陣係最後一日，無論如何都要拍完，你哋都知道水簾洞有好多馬騮，好多已經攤晒喺石上瞓咗，我真係拍到尾嘅時候，跪喺度講『唔該你哋幫吓手，仲有3場咋，麻煩你哋玩吓跳吓』。」

阮兆祥（左起）、黎耀祥、張衞健與麥長青一齊話當年。

阮兆祥問他們如果現時開拍《西遊記》，會不會再拍攝？張衞健坦言想演豬八戒，因為角色發揮較多；黎耀祥表示不想再拍，因為太辛苦；麥長青想再做沙僧，看能否演得更好。