【報紙】張衞健留港陪阿媽鬥地主

日期: 2021年1月6日
來源: 東方日報

飛起北京個老婆　張衞健留港陪阿媽鬥地主

出名孝順的張衞健為照顧母親搬回港生活，最近1年不惜與身在北京的太太張茜分隔兩地，近日佢喺社交網上載自拍片段，分享與媽媽的生活。

張衞健介紹陪阿媽有乜嘢玩。

食完飯，嚟碗豆腐花做甜品。

陪阿媽上網玩鬥地主。

阿媽贏咗，開心過自己中六合彩。

張衞健透露每日大約晚上8點幾就會兩母子一齊食甜品，仲爆阿媽迷上玩網上鬥地主，由於牌技欠佳，孝順仔會擔任教練，全程傍實媽咪指導出牌，享受母子情，相當溫馨！不過有網友就留意到其臉頰明顯瘦削不少，紛紛留言送上關心。