【網絡】張衛健與梁漢文遊船河

日期: 2000年7月2日
來源: Dicky 批踢踢實業坊 www.ptt.cc

張衛健與梁漢文遊船河

梁漢文昨日出席無線「二○○○全球華人新秀歌唱大賽」記者招待會時， 一身黑黝黝的膚色， 他透露老友張衛健剛返港， 一班老友許志安等遂相約去遊船河， 雖然玩得盡興，但跳水時卻誤傷「小文」，差點抱憾終生。

下身撻入水

梁漢文憶述「小文」受傷經過， 指當時大家玩船頂跳水， 許志安試跳時不懂插水式入水， 成條「大水魚」般撻落水，撻到成身紅晒， 而梁漢文好似好叻， 懂得由頭部先插落水，但顧得上身又顧唔到下身， 令下半身撻入水中，痛到不得了， 但他在成班老友面前仍死撐扮無事， 遊完船河翌日，各人更再去打網球，打到手痛，盡興而回。