★ 巨星日誌 ★: 11月 2015

2015年11月30日星期一

【圖輯】男人幫演唱會 (2)

日期: 2015年11月30日
來源: 香港小齊家族的微博

男人幫＋Big Four = 👬👬👬？

【圖輯】男人幫演唱會 (1)

日期: 2015年11月30日
來源: AndyHui Joyfulworld

男人幫演唱會 (1)

【微博】六壯士

* 編按:
昨天紅館綵排

日期: 2015年11月30日
來源: 許志安的微博

Big4+男人幫=六壯士

【網絡】許志安張衛健踩男人幫場

日期: 2015年11月30日
來源: 東周網 Eastweek.com

許志安、張衛健踩男人幫場

「男人幫」四子任賢齊（小齊）、梁漢文、蘇永康和黃家強一連三場的紅館演唱會前晚(十一月二十九日)順利完成，黃子華亦有捧場。四子在開場唱《男人幫》時，音響突故障沒有音樂，但他們仍淡定演出，小齊其後透露是電腦故障所致，並向觀眾道歉，蘇康則笑指疑被仇家整蠱！

Big4成員許志安及張衛健，擔任「男人幫」演唱會尾場表演嘉賓，獻唱兼大放笑彈，更聯同「男人幫」四子合唱《火熱動感la la la》，全場氣氛High爆！

許志安、張衛健除咗講笑搞氣氛外，仲聯同「男人幫」高歌快歌〈火熱動感la la la〉。

Big4兩成員、表演嘉賓許志安和張衛健出場時，健仔竟笑言不會唱歌及跟觀眾握手，只是「順路」來幫安仔在殯儀館「訂位」！兩人其後聯同「男人幫」高歌快歌〈火熱動感la la la〉，觀眾拍手歡呼和應，掀起高潮！「男人幫」完騷後在後台開香檳慶功，談到小齊和家強開騷時均公開親吻自己的老婆，家強就踢爆小齊和老婆Tina傾電話時「很Sweet很肉麻」。蘇康則透露，他的老婆返港後患支氣管炎；梁漢文就笑言，開騷時找不到老婆送吻。

【微博】感恩

日期: 2015年11月30日
來源: 歐陽德勛的微博

見證「男人幫」成立及香港站三場完滿.... 感恩有你們讓我可坐定定在欣賞、回憶及學習！

【報紙】做男人幫嘉賓　張衞健嫌觀眾反應差

日期: 2015年11月30日
來源: 東方日報

做男人幫嘉賓　張衞健嫌觀眾反應差

由任賢齊、蘇永康、梁漢文（Edmond）及黃家強組成的組合「男人幫」假紅館舉行《男人幫演唱會2015》尾場，擔任嘉賓的「Big Two」許志安和張衛健（Dicky）面對面、鼻貼鼻的升到台上，Dicky突然叫停音樂，並對安仔說：「搞清楚，呢度唔係Big four場，唔應該唱歌同握手。」安仔則問：「唔係big four場，咁我哋都唔應該嚟㗎喎。」Dicky笑說：「係呀，順路咋，我去萬國（殯儀館），幫你book定位先！」

張衞健搞笑話自己路過，原本係去萬國幫許志安BOOK位。

之後張衞健同許志安扮嘢話反應差落返台唔唱。

咁之後當然有返上嚟唱啦。

張衞健做「男人幫」嘉賓，上台狂踩佢哋之餘，仲話現場觀眾反應唔夠做「Big Four」時好。

提議搞「女人幫」

接着兩人指蘇康與Edmond完成男人幫的演出後可以翻兜做Big Four，所以安仔就提議另組「女人幫」，Dicky更笑說要找Twins、Cookies、肥媽、葉麗儀、羅蘭等加入：「成班都係女，得我哋兩個仔幾過癮呀！」而兩人嫌現場氣氛不夠熱烈，表示不會唱歌，Dicky說：「頭先啲聲對男人幫嚟講可能好好反應，但對big four嚟講真係麻麻，不如落番去先，反應好就上番嚟，差就去後台沖涼。」

見到有「男人幫」，許志安就提議組番隊「女人幫」。

之前音響有問題，蘇康問係咪張衞健搞事所致，張衞健即刻話：再嘈我就抆第二條線！

睇吓小齊笑到彎晒腰就知張衞健搞笑能力有幾勁。

兩人落台後，馬上又與男人幫一起重回舞台演唱《火熱動感lalala》，掀起全晚高潮！蘇康問到剛才音響故障是否兩人所為，Dicky即說：「你再嘈我就抆第二條線！」隨後又謂與安仔衷心「恭喜」男人幫：「我收到風話紅館之後，佢哋嘅巡迴有一百五十幾場洽談中，不過傾成嘅好似得兩場咋喎！都好勁㗎。」六人在台下互相擁抱一番後，Dicky和安仔才下台。

輪流玩感性

接着四人輪流說出加入男人幫的感言，家強指自己心情變好，更學了很多新事物。Edmond就謂找到另一個自己，台上有種放鬆的感覺，希望感覺一直陪伴自己。小齊表示想與其他成員一起開發未來的路，而蘇康就指年紀愈大，選朋友愈挑剔：「今次同佢哋合作，我喺每個人身上都發現成功嘅優點，令我自己都更成長。」最後他們唱出《海闊天空》，為演唱會劃下完美句號。

六個男人抱抱。

男人幫

2015年11月29日星期日

【演出】男人幫演唱會

* 編按:
我都好想可以有機會體驗下睇演唱會握手呀!

日期: 2015年11月29日
來源: kwokcherry 的 IG

男人幫演唱會 (節錄)

2015年11月29日係男人幫演唱會尾場，，多得朋友仔俾 A 行飛我握手，當然唔執輸握晒咁多個啦! 可能你哋會諗握嚟有咩得著，但睇演唱會就係咁㗎啦! 我唔多睇演唱會 DVD 而鍾意睇現場未就係現場氣氛正到爆囉!!!! 四位 (任賢齊、蘇永康、梁漢文及黃家強) 咁多金曲嘅歌手，梗係無悶場兼400%投入啦!!!!!! 佢哋嘅台詞已經好好笑，再加上嘉賓係 Big Four 就更加笑爆咀…

至於阿公同Edmond就唔多講，因為呢兩年見 Big Four 太多太多次，同佢哋四個握手握到可以摸得出係邊隻手，由其係阿公，佢每次都會用力握一握你，好認真… 當然兩位全晚都係大唱經典金曲啦！

【報紙】健仔安仔踩場大合唱

日期: 2015年11月29日
來源: 加拿大星島日報‎

男人幫尾場　健仔安仔踩場大合唱

任賢齊、梁漢文、蘇永康、黃家強於紅館舉行一連三場「男人幫」演唱會，昨晚順利完成。黃子華、Eric Kwok與太太葉佩雯、黃家強太太、黃偉文、歐陽德勛和太太蔡立等到場欣賞。
一開場四子合體大唱歌曲《男人幫》，不過音響出現問題有一分鐘沒有音樂，但他們依然表現淡定。事後小齊向觀眾講對不起，又解釋電腦有問題導致音響無聲，但他們也跳得很開心。蘇永康則笑指懷疑四人之中有仇家而被整蠱，家強便說：「我以為得我有，原來你都有。」

最搞笑擔任表演嘉賓的張衞健同許志安出場後，健仔笑指今次並非Big Four的場地，所以不會唱歌及跟觀眾握手，只是順路來趟幫安仔在萬國殯儀館訂位。安仔笑言指四子搞「男人幫」，他們可以搞「女人幫」；健仔即謂到時要邀請Cookies、 AK47、Twins、WD40、肥媽、羅蘭姐，但有羅蘭姐無理由無Sammi（鄭秀文），又向觀眾指如反應好就唱歌，沒反應就返去沖涼，其後兩人從升降台離開。不過，安仔跟健仔隨即聯同「男人幫」四子一同現身大唱《火熱動感La La La》，令全場觀眾歡呼。獻唱後，健仔笑言叫安仔去埋碼頭要稱呼小齊為齊哥，家強是強哥，更謂家強留有鬍子是黑社會，蘇永康同梁漢文則只是侍應，又笑指聽聞「男人幫」洽談一百五十多場巡迴演唱會，但只有兩場傾得成。

完場騷後小齊和家強被問到分別在演唱會上公開親吻老婆？小齊笑言有女粉絲錫他，為怕冷落老婆便錫啖補數。在旁的家強則謂適逢老婆生日，所以在演唱會上錫啖老婆無問題。至於另外兩位沒在演唱會上有親吻太太，蘇永康解釋老婆從米蘭返港後支氣管發炎，在家中就連手也不可接觸。梁漢文則說：「我在現場找不到她（老婆），見不到就算啦！」對於「男人幫」巡迴演出，小齊透露計劃首先在星馬及美加等地舉行，之後才在內地巡迴。