【雜誌】健仔為買狗畀差人抄牌

日期: 2002年5月17日
來源: 忽然一周第355期, 媽咪姐手記

健仔為買狗畀差人抄牌

一向孝順的張衛健，上個禮拜六（ 5月12日）晏畫4點幾，特登去左跑馬地一間寵物店「Miss Pet」買狗仔，話買黎送畀媽咪做母親節禮物喎！

當日，健仔係揸住老友安仔架平治房車代步，佢將車泊好後，就走進入寵物店，好大手筆咁買只接近2萬蚊西伯利亞雪撬狗BB，連埋買了狗糧用品，埋單2萬幾。

健仔為買狗畀差人抄牌，不過佢依然心情靚絕話冇所謂。

健仔買雪撬狗BB，出世不足兩個月，但好精靈。

買完狗仔後，女店員仲幫呢個大客仔上車，健仔見到記者個陣，好緊張問：  「你係做報紙嗎? 唔好咁快登喎! 隻狗仔我買畀媽咪，我想畀個驚喜佢！ 」

健仔叮囑記者遲些至登，話要畀母親驚喜喎！後面黑衫長裙的是寵物店女店員。

健仔成日出埠拍戲唔在香港，今回買只狗仔畀媽咪，都係怕佢悶，估唔到健仔唔止氹女叻，氹媽咪都咁醒，抵讚！