【網絡】吳國敬曾零收入 感激張衛健幫忙

* 編按:
相關影片可以按這裡觀看。

日期: 2016年6月4日
來源: NOW視電台, 雷霆881《1圈圈 - 星光背後》

吳國敬曾零收入  感激張衛健幫忙

吳國敬接受商台主持梁泰來訪問，他憶述未有監製要他寫的歌時，經濟極為拮据，幸得小學同學兼好友張衛健施出援手，他說：「嗰時周不時以杯麵伴臘腸就一餐，零收入嗰陣，張衛健會借錢畀我，又會搵人邀請我表演。」當作曲人初期，吳國敬坦言受過不少冷待：「我會親自拎demo去唱片公司，有一次我到寶麗金，有一位幾有名監製竟然同我講『嘩！大歌星，要親自上來sell歌啊？』我係非常愕然，嗰種唔知係咪講笑嘅態度令我感到被奚落。」

他又指鄭秀文與許志安許多作品會起用他的創作，全靠張衛健：「佢知道我作曲就話要聽，聽完就話『唔錯！安仔Sammi要歌，我帶佢哋過嚟揀歌啦！』我同安仔Sammi的關係都係咁樣嚟。」