【報紙】張衞健孖張茜貼地食大牌檔\

日期: 2022年1月9日
來源: 東方日報

張衞健孖張茜貼地食大牌檔　滴酒不沾食得健康

日前喺無綫《萬千星輝頒奬典禮》中，電視廣播城員工餐廳老闆馬慶豪獲頒「專業精神奬」，而當年受過佢恩惠、「賒」過乾炒牛河之恩嘅張衞健（Dicky）仲拍片慶賀。相隔咁多年，依家名成利就，傳身家過億嘅Dicky，當然唔使再賒借度日咁慘豬，不過念舊嘅佢，依然都好鍾意食乾炒牛河。

張衞健拍片答謝賒乾炒牛河之恩。

日前就有網友影到着咗件灰色衛衣，戴咗黑色頭套嘅Dicky帶埋太太張茜，仲有成班朋友喺北京三里屯食大牌檔，佢哋兩公婆打扮都好簡約，一啲大明星架子都冇，而嗰日佢哋叫咗成枱小菜、一大碗老火湯，仲有幾杯凍檸茶，朋友食飯連啤酒都唔飲，都算食得好健康。

張衞健依家都仲好鍾意食乾炒牛河。

張衞健同張茜孖朋友喺大牌檔食飯。

佢同夜市中嘅街坊一樣，好享受邊食邊同朋友吹水嘅樂趣，完全唔介意身處嘅環境有幾嘈、裝修有幾簡單，唔知佢係咪食得大牌檔多，以前身形偏瘦嘅佢，嗰日塊面圓咗啲，56歲人都未算走樣，唔似啲中年大叔咁「肥膩」。