【報紙】張衛健孖老婆舊愛齊合照

* 編按:
兩對舊情人的合照~ 這些合照不是人人拍得到! 很難得!

日期: 2014年12月3日
來源: 蘋果日報

志偉逢喜事例醉 張衛健孖老婆舊愛齊合照

噚晚喺蘇永康娶老婆Anita嘅大日子，廣邀圈中好友吳君如、周慧敏、江欣燕(欣欣)等，張衞健與「那些年」嘅第一任女友江欣燕撞頭，自從二人分手後，甚少見佢哋再合照，今次欣欣都有大方跟張衞健及其妻張茜合照，不過張衞健就笑得比較含蓄，難怪欣欣都留言自嘲：「世紀合照!」呢張結合舊愛、愛妻三人合照，認真夠晒經典。

老婆~舊愛同場，合照冇怯場!

邊張先係世紀合照!?(微博圖片)(蘋果日報)

另外，每逢喜慶，如朋友賀壽、友人結婚，曾志偉都例牌爆醉，今次都唔例外，欣欣今日凌晨12點幾喺微博貼咗張佢同志偉嘅相，寫道：「睡得好是人生首要的福氣。」當晚真係唔知志偉係攰到瞓，定係醉到瞓要被抬走呢？