來源: HKChannel
蘇永康馮翠珊婚禮 星光勝樂壇頒獎禮
【蘇永康婚禮】四十六歲的歌手蘇永康（蘇康）今天與拍拖八年的三十七歲女友（Anita）舉行婚禮，廣邀圈中好友出席，並筵開五十席喜宴款宴親朋，兄弟團包括梁漢文、許志安、張衞健、吳國敬、草蜢、黃偉文、陳奕迅、劉浩龍、歐陽德勛等。下午二時許，蘇永康和Anita穿上婚紗禮服，並邀請媒人陳奕迅和太太徐濠縈擔任二人註冊結的證婚人。
新娘子帶笑緩緩步進禮堂，而新郎哥蘇永康則顯得十分緊張，二人在親友、家長的見証下，進行註冊簽紙儀式後，來個深情一吻，全場賓客皆拍掌歡呼，十分熱鬧。另外，一對新人早上依照中國傳統的婚禮習俗，進行接新娘、向家長敬茶及花車行大運儀式。
蘇永康娶老婆發表的「愛的宣言」，由自己首本名曲的歌詞串連而成，此番心意將是他今天對新娘子最深情的表白。
一對新人蘇永康與馮翠珊接受訪問。在接新娘時，蘇康戴上「老婆奴」面具，問婚後可會實行諾言做老婆奴？他說：「呢個係姊妹們嘅設計，非常有趣，其實我哋兩個人相處咁多年，得出一個結論，就係好少鬧交，好多事情都會討論。今日係姊妹們同我哋開玩笑，我哋兩個會互相尊重對方，往後都係一樣，尊重對方嘅想法。」
有大陸傳媒用普通話追問財政大權是否落在老婆手上，蘇康請太太代答：「你來嚟答啦，聽唔聽得明？」Anita說：「一直都有！」蘇康笑說：「你識講國語（普通話）？」Anita再補充：「他一直都有把這方面交給我，所以他一直都很相信我。」提到婚前未有舉行告別單身派對，是擔心一班兄弟辛苦，加上蘇康在從雲頂開騷回港後未有休息，昨晚才好好睡了一覺。至於接新娘時的開門利是支票未寫銀碼，蘇康說：「其實真係隨緣，知道啲姊妹會錫住我，呢個老婆係無價嘅。（搵張衞健講價？）我哋啲名嘴都唔少，你估Wyman（黃偉文）少嘢呀！但佢哋個個都唔出聲，由我去答，可能大家都知姊妹錫住我。」
他又透露杜如風設計了長篇的「愛的宣言」，不過蘇康稍有微言說：「佢整咗個聖旨，可惜聖旨細咗啲，a4 size，佢唔記得我有老花，啲字好細隻，但『卒』之都讀晒嘅。」問婚後可會立即旅行度蜜月？他表示老婆婚後要處理時裝品牌生意，但會陪她到日本，因老婆的品牌剛開拓日本市場：「最快都要出年先，因為一月時裝周，十二月尾工作又幾多，呢個月每星期都返內地，聖誕、新年都唔使諗。」
沒有留言:
發佈留言