唔唔唔，陰公豬囉。他喝好少也會醉的，看來今次也真的喝了不少呢。
從細節睇得出依班兄弟好好，真係好夠朋友，分工合作邊開路邊幫手擋，
七手八腳抱到實一實又識得幫忙保住條褲，真係唔話得，雖然到最後都係忍唔住笑~
睇阿公個喘氣樣，心入面一定係嫌棄緊張生個腹肌肚腩仔定喇!
不過張生你放心啦，你個肚腩仔大家都好鐘意，之但係細細個好喇~ 哈~
日期: 2014年12月3日
來源: 東方日報
張衞健醉到「冧」 六個壯丁抬住走
蘇康婚宴巨星雲集，After Party亦都粒粒皆星，不少名人紅星均有出席，個個都玩得盡興而歸！原本以為吳國敬醉爆上錯記者車已經好爆，但原來沒有「醉」爆只有更爆！陸續有人「醉星」出現，一個爆過一個！
蔡一傑出嚟開路。
新郎哥蘇康跟住出。
繼續開路。
大約凌晨三點半，蔡一傑率先步出話有人醉到不省人事，要求記者讓路，及後新郎哥蘇永康加上四、五個兄弟抬住一名男士出嚟，一路又抬又拖就一路遮住「醉漢」面目，以力保醉貓樣唔畀記者影到！但最後都穿煲，原來係張衞健嚟！咩事呀醉成咁，肯定玩得好開心啦！
張衞健醉到不省人事，打橫抬上車。
抬完張衞健，蘇康都好攰。
擾攘咗差唔多五分鐘，張衞健先被抬到上車，期間一班兄弟都忍唔住笑，安定之後，張衞健太太張茜見佢不省人事嘅樣都好無奈，仲瞓落張衞健度，非常搞笑！係嘅，老友結婚係開心嘅，開心自然就飲多兩杯都唔奇！送完張衞健上車，蘇康同太太就齊齊上車返歸休息。
沒有留言:
發佈留言