【報紙】張衞健憶媽媽遇溺命危

* 編按:
相關影片可以按這裡觀看。

日期: 2019年4月1日
來源: 東方日報

心臟呼吸停頓! 張衞健憶媽媽遇溺命危

張衞健（Dicky）舉行分享會，分別都有提到媽媽和亡弟張衞彝，他表示二人直接拉近自己與天主之間的距離。Dicky先重提6、7年前於杭州拍戲時，收到媽媽遇溺兼心臟、呼吸曾兩度停頓通知，他趕回港期間不停祈禱，幸好最後安然度過難關。再講到弟弟離世時正與太太張茜於泰國旅行：「好Shock！趕番香港就諗點樣同媽媽講好，『Henry死咗？』、『Henry過咗身？』、『Henry走咗唔喺度？』，我一生人寫過好多劇本，但呢句諗唔到點講，喺飛機上面太太就提議不如話『Henry返咗去天主身邊』，我就覺得呢句最妥當亦都係最佳選擇。」

張衞健憶媽媽當年遇溺命危。

幸好最後安然度過難關。

張衞健提到細佬離世嗰陣佢喺泰國。

張衞健唔知點同媽媽講。

張衞健當時懷着忐忑嘅心去搵媽媽。

張衞健驚媽媽受唔住刺激。

張衞健話佢媽媽原來都欣然接受咗。

返港後，Dicky表示懷着忐忑的心去找媽媽：「呢世人未試過咁緊張，去㩒門鐘好緊張！唔知道媽媽聽到後有咩反應，會唔會受唔住刺激，但佢聽完好鎮定、平靜，仲以為佢強裝鎮定，原來佢欣然接受，仲唔會因為白頭人送黑頭人太過傷心。我都覺得呢次係天主賜我力量，自己都未經歷過朋友、家人去世，但竟然有呢個Power去面對。」續講到自己終極願望是去到最後一口氣的時候，豁然聽天主講去天堂享福，說畢便完結歷時40分鐘的分享會。