來源: 東方日報
張衛健封棒 告別花果山
由張衞健、梁漢文、葛民輝及李燦森等主演的電視劇《齊天大聖孫悟空》，以無綫台慶劇姿態於下月十一日推出，昨日一眾主角一起出席首映儀式。席間健仔宣布，此劇將是他扮演「孫悟空」的最後一套電視劇，他從此封起金剛棒不再扮馬騮，正式告別「花果山」。
健仔表示入行以來，拍《齊》劇拍得最辛苦，他說：「呢次係最後一次扮，Never Again ，因為真係太辛苦。我真正體會到乜嘢叫做拍到嘔，最後嗰兩星期，每日開工、收工都會嘔嘅。而且今次無論演員配搭、特技花費，都去到一個極限，我下次再拍，唔通要搵到葛優、張藝謀、梁朝偉、張國榮咩！」
曾請教周星馳
其實在拍此劇之前，健仔早已感到有大壓力，曾寄望自己有突破，於是特別向另一位「經典孫悟空」周星馳取經：「結果星仔嘅答案係我上次點演，今次就點演，我問如果觀眾唔接受咁點呀？佢話唔使理咁多喎！」
其實健仔也覺得拍劇應重質不質量，所以同時他會減產，以後每年只拍兩部，原來此念頭跟羅文的逝世有關，健仔說：「以前真係忽略咗好多嘢，好似家人、女友咁，有人話如果叫羅文俾晒啲錢嚟換健康、自由，佢都一定肯，所以我趁而家有健康身體，就要好好珍惜。」
沒有留言:
發佈留言