來源: 太陽報
演馬騮精請教星仔求突破 張衛健阿Sa咀到反轉
無線台慶重頭劇《齊天大聖孫悟空》昨日舉行首映會，片段中有一幕蔡卓妍（阿Sa）和張衛健（Dicky）親嘴的戲分，兩人更咀到反轉。Dicky更表示曾向周星馳請教飾演孫悟空的心得以求突破。
張衛健、李燦森、葛民輝、梁漢文與Twins的阿Sa及鍾欣桐（阿嬌）昨日出席無線電視劇《齊天大聖孫悟空》首映會。在劇中阿Sa飾演的「紫蘭仙子」愛上張衛健所飾演的「孫悟空」，二人更會有一幕親嘴鏡頭，阿Sa昨日說：「我都唔係第一次拍咀戲啦！而且包場Kiss只係蜻蜓點水式咋！仲要瞇埋眼，大家都好專業一次過搞掂晒啦！（咁你覺得Dicky個嘴好唔好錫？）嘩！呢啲兒童不宜，唔講呀！ 」
健仔自爆曾請教周星馳以尋求突破。
獲星仔派定心丸
而張衛健昨日則表示再度飾演孫悟空，曾專誠向也曾演孫悟空的周星馳請教，希望能突破上次的成績，他說：「我今次係最後一次飾演孫悟空，因為實在太辛苦喇！我幾年前做過一次孫悟空，今次再做驚俾人話冇突破，所以我之前問過星仔（周星馳）我應該點做，佢就話只要好似上次咁就得，令我放心好多。」
沒有留言:
發佈留言