【報紙】蘇永康撐健仔星爺冇交惡

日期: 2003年3月13日
來源: 太陽報

蘇永康撐健仔星爺冇交惡

蘇永康昨日接受電台訪問，對於有指好友張衛健（Dicky）與周星馳交惡，康仔力撐Dicky說：「我諗唔係嗌交，係傳媒將件事誇大左啫！Dicky唔會借人地做宣傳，當然星爺係有佢地位，但Dicky做嘢好多人都會幫手，所以佢唔使博宣傳，不過可能係拍攝題材類同，令人有聯想。」

康仔更表示將會客串Dicky的《功夫足球》：「有可能幫手，但唔知做乜角色。（收友情價？）同Dicky係兄弟，人情牌冇計啦！」康仔又踢爆好友吳國敬喜歡看賽馬，但他只看不買。另外，談到謝霆鋒復出，康仔祝福他身體健康，並說：「我尋晚兩點幾打電話畀佢，諗住同佢吹水，但聽佢把聲好沙啞，我咪叫佢廢話少講，快啲瞓！總之淡定有錢剩！」