【報紙】張衛健張茜杭州預支蜜月

日期: 2003年11月20日
來源: 太陽報

張衛健張茜杭州預支蜜月

拍拖近五年0既張衛健（Dicky）同張茜，雖然聚少離多，難得感情依然好好！好似日前就被撞破0左杭州某酒店留宿，認真Sweet Sweet呀！原來Dicky一早秘密到橫店探女友班，之後再到杭州旅遊，極富心思！

據酒店工作人員透露，佢0地早在十五號晚入住二十四樓，Dicky為0左女友開心，除豪擲千七蚊揀間豪華套房，仲撇甩埋助手，製造二人世界添，真係死女友！

度完兩晚春宵後，日前兩人Check Out時俾記者撞到正，實時好有默契咁彈開，但Dicky好大方咁講：「我0地0系杭州十幾日，尋日我0地0系西湖訓0左一覺，感​​覺唔錯。我等緊張茜係杭州買樓畀我！（幾時結婚呀？）順其自然啦！」女友則承認雙方已見家長，大家都相當滿意，但就唔急住拉埋天窗！