【報紙】健仔騎術好犀利

日期: 2008年5月16日
來源: 頭條日報

健仔騎術好犀利

無線劇集《四葉草》系列的《盛裝舞步愛作戰》，昨日於上水雙魚河騎術學校拍攝外景拍攝，梁漢文  （Edmond）及吳國敬亦到場客串馬伕一角。吳國敬說：「我收到電話要客串演馬伕，仲以為係『帶女出街』那種，仲問要否紋身。我都奇怪啦！做『四葉女』馬伕？我仲即刻應承添，原來係做真正的馬伕！」

Edmond又自誇騎馬經驗十足，因在拍攝劇集《西遊記》時飾演唐僧，經常騎馬。問到身為男士騎馬會否不舒服？他笑言：「唔會，識得就位嘛！而且隻馬都只係踱步，又唔係快跑！」他又大讚張衛健的騎術好犀利：「我在拍《西遊記》休息的時候，佢就騎馬，仲騎得好快添！」