【報紙】梁炳騷男人幫出場 張衛健扮鬼臉

* 編按:
現場見到真係好好笑!!

來源: 《明報》多媒體頻道's YouTube

相關影片可以按這裡觀看，或按這裡觀看。

日期: 2015年8月13日
來源: 蘋果日報

梁炳尾場騷 男人幫出場 張衛健扮鬼臉

梁漢文噚晚喺紅館舉行尾場個唱，邀來鄭中基及王菀之任嘉賓，而梁炳則自彈自唱《海闊天空》，之後男人幫其他3個成員蘇永康、黃家強和任賢齊就出現，梁炳話：「多謝老闆小齊，病都來，來緊我哋會出碟電影和開騷，11月又會紅館見。」

之後家強話蘇康黑哂面，蘇康借機話：「現場有兩對唔友善嘅目光，張衛健十個光頭九個富，做完個《我是演說家》，評下人就話番來買豪宅，第二個寬容啲，可能佢今日生日，許志安生日快樂，不過生日鼻大咗，雜誌話佢手頭上物業持有一億，我就冇喇！」梁炳即刻附和話：「其他就有一億。」蘇永康續說：「所以我決定飲兩家茶禮，呢啲就冇得怪我嘅。」

台下張衞健個表情好趣怪

仲歪晒嘴呀喂﹗

許志安都笑晒口

家強即刻指責蘇永康話：「你咁叫騎牆！」蘇永康反應好快咁寸番家強話：「鬼叫你隊嘢拆咗合唔番埋。」家強勸梁炳同蘇康全情投入男人幫，唔好理Big Four，螢光幕就出現張衛健和許志安喺度笑個樣。

梁炳仲有一段對太太嘅深情對話，老婆入院第一晚，梁炳因為唔想諗太多，走咗去一間無人識嘅波樓，佢話：「突然好掛住老婆，買個眼罩（口罩）去探佢，見到佢瞓咗，15秒之後醒咗，佢話夢見我，真係當兩個人關係昇華係有心靈感應。」

完騷後嘅訪問，梁炳講兩個經歷時兩度眼濕濕，佢話：「冇咩歌手好似我咁，演藝事業咁峰迴路轉，太太嗰部份都有眼濕，我係想講心入面嘢同歌迷分享下，11月開始做男人幫，我仲要特別多謝台下朋友，好似歌星賀台慶，安仔生日都來，真係要同佢飲番杯。」