【網絡】台慶劇名單曝光 冇張衛健嘅《大帥哥》

日期: 2018年9月6日
來源: 娛樂LOL

今年台慶劇名單曝光點解冇張衛健主演嘅《大帥哥》嘅？

每年無綫都會選擇一啲大製作丶大卡士嘅劇集做台慶劇，而最近就有傳今年嘅台慶劇包括有《跳躍生命線》、《是咁的，法官閣下》、《兄弟》陣容及製作強大。《跳躍生命線》會緊接《延禧攻略》於10月8日晚上8點半首播，而《是咁的，法官閣下》及《兄弟》仲未有確實播放時間。話事話喇！點解冇咗張衛健主演嘅《大帥哥》㗎！？

眾所周知無綫隆重邀請咗張衛健回巢拍攝《大帥哥》，當時「樂小姐」樂易玲和「珍姐」曾勵珍仲陪住張衛健完成簽約儀式，點解無端端被人抽起？有傳聞話上年9月已經完成拍攝嘅《大帥哥》需要花好多時間去完成後期製作，趕唔到係今年台慶播出。亦有傳無綫想留返「台慶劇」檔期俾親生仔王浩信，力谷佢冧莊視帝，如果係咁《大帥哥》會唔會變成「倉底劇」？

好多網友紛紛留言表示對呢幾套「台慶劇」好失望，仲話《跳躍生命線》及《兄弟》係史上最差演員陣容嘅台慶劇，劇中嘅演員根本擔當唔起台慶劇嘅重任咁話喎。