來源: 蘋果日報
楊恭如、阿Sa爭仔打餐死 馬騮精大搞三角戀
由張衛健主演的電視劇《齊天大聖孫悟空》已於昨晚推出，賣點是明星陣容強勁和電腦特技。健仔今次出動不少人情牌，客串演員雲集是非、新聞人物，包括有謝霆鋒、蘇永康、楊恭如和孫佳君等，而楊恭如更與 Twins的阿 Sa爭奪健仔飾的孫悟空。
由台灣集團投資約八千萬港元拍攝的電視劇《齊天大聖孫悟空》，陣容龐大，除主角張健外，參與客串的港日台演員還包括鄭秀文、許志安、 Twins的鍾欣桐（阿嬌）和蔡卓妍（阿 Sa）、梁漢文、葛民輝、李燦森、林志穎、袁詠儀、李珊珊、曾志偉、麥家琪、徐熙媛及飯島愛等四十一人。健仔曾表示拍畢此劇之後，不會再扮馬騮精，更增添《齊》劇的可觀性。
《悟空一膽拖41腳》楊恭如飾白骨精。
蜻蜓點水 阿 Sa健仔嘴對嘴
今次健仔飾演的孫悟空是個萬人迷，他和阿 Sa演的紫蘭仙子、林志穎演的哪吒有一段微妙的三角戀，健仔更和阿 Sa有一幕蜻蜓點水式的親嘴鏡頭，劇集高潮是阿 Sa為救健仔而死。而早前疑因感情問題，在銅鑼一間意大利餐廳被掌摑的楊恭如則飾演白骨精，不但被健仔迷倒，更加為爭健仔而與阿 Sa大打出手，最後則改邪歸正。
《悟空一膽拖41腳》鍾欣桐飾紫薇仙子（左）、蔡卓妍飾紫蘭仙子（右）
處女劇集 Twins先睹水貨為快
《齊》劇雖然卡士強勁，但宣傳之少亦是近年罕見，只在上月尾搞了個首映記者會，只得 Twins出席撐場。 Twins是首次拍劇，為預早欣賞自己的演出，更率先買了國語版的 VCD先睹為快，但兩人都有微言，阿 Sa覺得配音把聲「好姣」，阿嬌則覺得把聲「巴喳」。
阿 Sa昨日接受本報電話訪問時說：「演員班底咁強，宣傳只係附屬品，我對呢套劇好有信心，因為健仔係有口碑的演員。水貨都唔會對收視有影響，觀眾梗係想聽番演員自己把聲啦。我記得個陣《小寶與康熙》收視好，健仔請晒七個老婆去日本旅行，呢套劇收視大家公認好話，當然要屈佢啦！」
《悟空一膽拖41腳》張健飾孫悟空（左）、飯島愛飾黑蜘蛛精（右）
《悟空一膽拖41腳》鄭秀文飾觀音
《悟空一膽拖41腳》孫佳君飾白蜘蛛精
《悟空一膽拖41腳》李燦森飾沙僧（左）、葛民輝飾豬八戒（右）
無線落本 五千公仔贈觀眾
而阿嬌就賣花讚花香說：「因為演員多，所以好難度期做宣傳，套劇真係好好睇。我第一次山長水遠去到橫店拍劇，由朝拍到晚，點都值得睇下啩！我同阿 Sa今晚都要錄音，唔可以一齊睇電視，但係我地會錄黎睇。」
無線外事部助理總監曾醒明昨日則稱，無線很重視《齊》劇的宣傳，原本打算前日做宣傳，但因外購劇的演員難度期取消，他說：「公司已經度左健仔、梁漢文、 Twins同李珊珊下個禮拜日（十七日）做第二浪宣傳。為左呢個劇，我地重訂製左一批毛公仔同海報活動上送畀觀眾。」據知毛公仔首批訂製了五千隻，每隻成本約十元。
健仔昨日接受本報電話訪問時說：「我由第一日拍呢套劇，已經不停咁做宣傳，至於收視，我從來都唔會期望有幾多點數，呢套係我入行以黎最大的一套劇，我盡左力去做，希望有好成績，大家鍾意。」至於會否如阿 Sa的要求請她去歐洲購物，健仔說：「如果佢有時間去，我咪畀錢咯！」
採訪：朱芷瑩、卓寶花
沒有留言:
發佈留言