【專欄】#1 放眼神州十多億觀眾

* 編按:
可見目標非常明確，而他也成功了。

日期: 2002年11月3日
來源: 東方日報，《紅星花園》專欄

無刻意躋身入荷里活 放眼神州十多億觀眾

入行十八年， 在娛樂圈三起三落， 可謂練得一身好「 武功」 ！我張衛健不想扮謙虛， 今時今日， 無論在東南亞及內地， 總之是有華人的地方， 都認識我張衛健， 地位總算奠定， 但我的目標是要透徹打通內地市場， 完全鞏固地位， 做電視劇「一哥」 ， 我要做到中國每一個小山區， 都要識得我張衛健。
　　
不抱任何希望
　　
即使早前哥倫比亞電影公司希望拍一個中國題材的電影， 經過亞洲區的市場調查， 他們構思Monkey King 「 馬騮王」 這個角色， 打入荷里活， 有關方面認為適合我， 投資額更由八百萬美金加至一千五百萬， 不過， 目前情況如要用一個「 餅」 來形容， 一半都未有， 雖然選中我， 站在中國人立場， 絕對係一份尊重， 但我不抱任何希望， 傾得成我自會俾心機去拍， 不成都無所謂。
　　
我係一個無野心的人， 我從來沒企圖要踏入荷里活， 我並非沒志氣， 只不過我係一個知足的人， 講求實際。十年前， 我在無線拍了幾套收視冠軍劇集， 包括《 老友鬼鬼》 、 《 我愛牙擦蘇》 等， 之後跳到電影圈， 拍了很多電影， 例如《 學校霸王》 等等， 成績都不錯， 就以為可以打通東南亞和內地市場， 其實這些只係一小部分， 我敢講， 香港市場可以一夜成名， 例如謝霆鋒、 Twins 等， 聲勢無錯可以帶到台灣、 東南亞及內地如珠海等地， 但真正要做到「 一哥」 位置， 必須要徹底打通內地如山西、 遼寧等地方， 我要做到我每有電視劇推出， 內地爭相搶購之目標， 內地數以百計電視台， 爭相搶購… … 這盤數不得了！
　　
明星不同特首

單是打開一個中國市場， 我要花的力氣十分大， 就算奠定位置， 都要將之保持。明星不同選特首， 做得不好都可以做幾年， 娛樂圈這行， 要是有一位形象相若的新秀冒起， 我的位置就好易被人取代， 所以在華人地方我未能夠「 坐定粒六」 ， 都應該先發展韓國、 日本等市場， 亦未輪到荷里活。我並非無志氣， 係講實際， 一步一步來， 做好自己塊田。

(來源: KaKa)

(來源: Heidi)