【雜誌】敦煌拍《孫悟空》豪到跌渣

日期: 2002年11月22日
來源: 忽然一週, 第382期

敦煌直擊 - 敦煌拍《孫悟空》豪到跌渣

「齊天大聖」孫悟空，在“西遊記”中擁有整座綠樹林蔭的花果山，每次出巡，都有千只猴孫猴兒護駕，極盡奢華。不過想不到現實中的張衛健，早前在敦煌拍此劇時下榻的酒店亦毫不遜色，逾二千呎羅馬式裝修的房間，按摩浴池，桑拿，小酒吧樣樣皆有，每晚房租更高達近九千元。​​住得咁豪，莫非系預先祝捷該劇上週收視高達40點（即263萬人次收看） ？

遠赴敦煌拍攝《齊天大聖孫悟空》的張衛健， 「開口埋口」都呻辛苦，不過原來拍攝期間，他入住的敦煌沙州大酒店，乃當地數一數二五星級酒店，房間更是每晚高達人民幣$ 8,888的總統套房，認真豪到跌渣。

這間以羅馬式設計的總統套房，面積逾二千多呎之多，單是巨型客廳，已差不多有兩間標準客房之大，而房間的另一邊則分別是飯廳和迷你酒吧，吧的酒櫃裡放滿各種國產「大補酒」 ，方便健仔閒來補一補。

至於睡房的面積，就差不多與客廳看齊，超大特大加衣櫃，簡直一家四口都用唔曬，一向貪玩的健仔，仲專誠帶備DVD機與電子琴解悶，認真「識嘆」 ，不過寓工作於娛樂的健仔今次都好認真，帶備兩個私夥鬧鐘去拍戲： 「免得又被人說遲到扮大牌。 」

不過論豪華，就一定係那間三百呎的浴室，按摩浴池加「乾」 ， 「濕」桑拿，設備齊全媲美健身中心，唔知係咪女友張茜的特別安排，免得健仔心思思去找按摩女郎呢？

雖然話拍戲係辛苦，不過健仔就好識享受住總統套房。唔係點度到「型到跌渣」呢生鬼對白呀！

健仔自備不少藥材，例如淮山（圈內） ，龍眼肉等，得閒煲湯潤下，畢竟沙漠的天氣寧舍幹燥。

為免唔知醒，出動兩個鬧鐘再加酒店叫早，一於三管齊下。

度抵死對白是健仔強項兼必殺技，劇本成為他飯後必然「甜品」 。

「型到跌渣」解碼

健仔上一輯“西遊記”中經常掛在口邊的一句「唷！使乜驚呀！ 」可以話連三歲細路仔都識得講。

不過今次在“齊”劇，健仔自創的兩句「型到跌渣」和「嗶啪你個隆叮咚」就唔系咁易理解，而且影視處近日有45宗投訴指劇中用語意識不良，鄭經翰更直斥「嗶啪你個隆叮咚」是粗口。

但係健仔一樣有紋有理咁解釋話： 「其實「型到跌渣」唔系我作，系我參考一個北京少年一句「了不起到掉渣」演變而來， 「掉渣」北京俚語中即系不得了的意思，而台灣人亦慣講「帥到掉渣」 ，總之「型到跌渣」就即系型到不得了啦！至於「嗶啪你個隆叮咚」純粹系玩押韻，無乜意思！ 」