【專欄】#3 健仔重新振作多謝鄭則士

日期: 2002年11月5日
來源: 東方日報，《紅星花園》專欄

健仔重新振作多謝鄭則士

當年在無線捱了十年， 才完全離開向外闖， 我係朝一個目標進發， 但當年所定之目標， 就係先做無線「 一哥」 位置。其實， 當年無男演員向外發展， 試問哪一位不是先做了「 一哥」 才離開？早期有周潤發， 中期有劉德華、 梁朝偉等， 雖然他們外闖初期， 都係票房毒藥， 衰幾年才企穩目前超級紅人之地位， 既有他們的例子， 更給我一個明確而不迷失的目標， 即使處於低潮期， 甚至給自己​​判死刑， 我都繼續努力。

不過， 努力歸努力， 現實係殘酷的， 八四年當選「 新秀」 ， 往後六年， 只有一首《 足球小將》 為人熟悉， 之後就一直無機會出唱片， 一度前路茫茫， 在未想通之前， 曾認為自己唱歌出身， 一定要循唱歌方面上位， 然而時不與我， 「 冇得撈」 兼「 憂柴憂米」 的境況下， 正值與江欣燕分手， 好傷心、 好沮喪， 心想： 「 事業又冇、 愛情又冇」 ， 不過， 依然好肚餓， 於是， 懷住世界末日的心情， 在無線餐廳排隊買餐蛋飯， 期間， 給我碰上鄭則士， 他在我事業第一個低潮期， 憑一句「 我私人覺得， 你係無線頭三名好演技的男演員， 俾心機啦！ 」 的說話， 真正激勵了我重新振作， 忘記情傷， 即時開胃得吃光， 飲光味精湯。

激勵說話聽過， 之後亦懂得振作， 我昂首闊步， 接拍了我在無第一個高潮之電視劇《 老友鬼鬼》 ， 其後， 王天林、 劉家豪等， 都很賞識我， 雖然他們沒有對我講任何說話， 但不停給我拍劇， 出出演出男主角， 經已是最大的支持。

張衛健口述，記者筆錄

(來源: KaKa)

(來源: Heidi)