【報紙】張衛健嚇怕猴子猴孫

* 編按:
「緊張到幾乎標臭臭」.... 哈哈哈~~ 笑死我!

日期: 2002年12月8日
來源: 蘋果日報

張衛健嚇怕猴子猴孫

張衛健、梁漢文、李燦森同葛民輝噚日沙田出席《齊天大聖孫悟空之美猴王與你迎聖誕》活動，現場超過七百幾人圍觀，有近五百個都係小朋友，好鬼熱鬧。

張衛健：「大聖爺駕到！」 金鷹：「弊！肚痛！」

大家重記唔記得馬騮仔金鷹，佢跟住個男人一齊出，不過個男人唔係陳伯。金鷹跳上張衛健個膊頭度，見到現場咁多人，佢緊張到幾乎標臭臭，最後都忍唔住瀨少少，佢一瀨就跳返去主人度，所以臭臭都主人度，張衛健都算好彩。

「fit到跌渣」

張衛健早前同許志安去泰國旅行，俾人影到佢有大肚腩，佢噚日講笑咁話：「我要鄭重澄清，個唔係肚腩，係胸肌，只係範圍大少少，大概二十到尾唔到三十吋左右啦。」許志安另一個活動話健仔肥得可愛，健仔竟然抗議話：「係fit得可愛，fit到跌渣先。」