【報紙】激凸大肚腩當胸肌 我Fit到跌渣

日期: 2002年12月8日
來源: 太陽報

激凸大肚腩當胸肌  張衛健唔認肥：我Fit到跌渣

「孫悟空」張衛健日前被偷拍在泰國度假時身形暴肥，還不停「抓」自己的大肚腩。但張衛健則抵死地說他「抓」的並不是肚腩，而是胸肌，他還力撐說：「我唔係肥到跌渣，係Fit到跌渣呀！」

劇集《齊天大聖孫悟空》一班演員包括張衛健、梁漢文、葛民輝和李燦森，昨日出席宣傳活動，吸引數百市民圍觀。張衛健早前被雜誌拍下他在泰國酒店內度假時，肚腩激凸之餘，還不停「抓」大肚腩。對此他回應說：「o個個唔係肚腩，係胸肌，我邊度有『抓』肚腩?！我唔係肥到跌渣，而係Fit到跌渣！不過講真，我開劇前係會刻意增肥，因為一開工就會好辛苦，到時就會瘦番，咁上鏡就會啱啱好。」

不慎咀馬騮Pat Pat

無線昨日為了配合張衛健在《齊》劇內的孫悟空角色，特別找來馬騮「金鷹」跟健仔合照，但身為齊天大聖的健仔似乎與金鷹不大合拍，只見「金鷹」在健仔頭上四處亂走，令健仔有點不知所措之餘，還差點吻到「金鷹」的Pat Pat，情況十分搞笑。

此外，早前梁漢文跟一班好友到卡拉OK消遣時，喝得酩酊大醉，他說：「我o個日係玩大o左o既！我都俾人笑o左好耐，我淨係記得我落過樓梯，之後就係返o左屋企，其間發生o左乜事都唔記得啦！我以後會克制o的o架啦！」