【報紙】懶理《孫悟空》遭強烈勸喻

日期: 2002年12月21日
來源: 東方日報

張衛健懶理《孫悟空》遭強烈勸喻

正身在松崗拍攝新劇《沈萬三傳奇》之張衞健，昨日特地抽空到上海為手袋專門店Braccialini 擔任剪綵嘉賓，他自言為老友「斗零」都無收，但他會攞手袋送給媽咪及女友張茜。

自言肥到「跌渣」

健仔昨日悉心打扮，被在場人士大讚他型到「跌渣」，但健仔未敢全數接收，還自嘲肥到「跌渣」！提到《齊天大聖孫悟空》被廣管局強烈勸喻，指其角色人物「爆缸」為黑社會用語，而口頭禪則是粗口，對此健仔說：「呢啲唔答啦，都已經答過啦，無綫覺得無問題咪得囉，一切由無綫決定，我只係盡演員本分，解釋又解釋過，都冇乜好再講啦！」

提到有傳他跟M8 簽經理人合約一事，健仔說：「你睇我細佬仲幫緊我，就知我無過檔，我同M8 個老闆係好朋友，今次呢間公司我都嚟幫手啦。」

多間公司斟簽約

不過健仔強調任何公司總有合作可能，由於現階段有數間公司正在接洽，他計畫在新年假期好好想清楚，因為過往他將經理人合約與唱片合約簽給不同公司，經常出現爭人事件，令他左右做人難，故有意將所有工作及合約交給一間公司處理，但若關於他演出的電影或劇集，則仍以他投資之製作公司為主。

至於傾約條件，健仔揚言除了條件好待遇好之餘，最重要是能為他傾到好劇本，因為以他十多年經驗，覺得一切以劇本行先，其後才到演員、導演功力。