【報紙】吳國敬開騷 張衞健瞓身獻計

* 編按:

我喜歡聽朋友間的日常瑣事以及回憶中的小故事~ 很難得有個從小陪伴到老的知心老朋友!

日期: 2015年3月18日
來源: 東方日報

吳國敬下月紅館開騷　張衞健瞓身獻計

歌手吳國敬將於四月假紅館舉行《敬‧愛音樂吳國敬30載作品展音樂會》，更得一眾巨星擔任嘉賓，當中包括Big4（張衞健、許志安、蘇永康及梁漢文）、張智霖、陳慧琳、盧巧音、劉浩龍、黎瑞恩和太極等。

阿敬在去年11月才獲紅館通知今年4月有檔期，只有短短五個月時間為演唱會做準備，他形容自己每天忙得像個轉不停的陀螺，每個月只有半天休息。

吳國敬（右）與張衞健相交數十載，情同手足。

作新歌向女友示愛

另外，阿敬寫了新歌《不用說的快樂》，打算在演唱會上送給女友Elaine示愛，但他坦言不會在台上求婚或舉辦婚禮：「我哋咁多年嚟感情好穩定，已經認定對方，而且佢比較低調，佢話只要一隻鑽戒同一首示愛歌就可以同我結婚！」又謂會在演唱會後開始準備婚禮，希望辦個搖滾婚禮！

張衞健為好兄弟吳國敬（右）下月的紅館騷出計獻計，仲寫埋台詞。

身為的好兄弟的張衞健（Dicky）除當演唱會嘉賓外，更出謀獻計為阿敬撰寫演唱會台詞。兩人從小學一年級開始相識，Dicky初出道經濟拮据，多得阿敬雪中送炭：「有個月爭五百蚊生活費，我約佢去喝茶，問佢借錢，佢全副身家得一千蚊，但都二話不說借畀我！」搞笑的他笑說：「但當時我約佢飲嘢嘅地方喺洲際酒店，兩杯咖啡盛惠百幾蚊，當然最後埋單嘅係佢！」

張衞健助吳國敬打造完美的紅館騷。

兩兄弟際遇各異

新秀冠軍的Dicky笑言當年阿敬參加新秀比賽時，有為他設計台風，不過阿敬卻沒有展現出來，而之後兩人的際遇亦大不同：「我攞咗冠軍，佢攞唔到，我安慰佢。安慰完無耐，佢下個月就出唱片紅咗，但我只係得首足球小將，就到佢安慰番我轉頭。」

而近年影視減產的Dicky表示是刻意放慢步伐，去做一些自己想做的事情，更透露有意演舞台劇：「上年睇完劉嘉玲嘅《杜老誌》之後都覺得想做舞台劇，但最想做嘅係Talk騷！」