來源: 太陽報
吳國敬寫情歌冧女友
吳國敬下月將假紅館舉行《敬．愛音樂吳國敬30載作品展音樂會》，人緣甚佳的他更邀得一眾巨星好友擔任嘉賓。他透露已撰寫新歌《不用說的快樂》，打算在演唱會上獻給女友Elaine示愛，但絕不會在台上求婚：「佢比較低調，同埋只要一隻鑽戒同一首示愛歌就走唔甩！」他又透露計劃今年結婚，期望舉行搖滾婚禮。
吳國敬（右）與張衞健識於微時，開騷當然要預埋老友！
至於小學一年級已認識阿敬的張衞健，是次除了擔任嘉賓外，又出謀獻策為好友寫台詞。他提到多年前曾遇上經濟困難，多得阿敬雪中送炭：「嗰陣爭500蚊都過唔到年，就約佢飲嘢借錢，佢全副身家得1,000蚊，但二話不說就借畀我！」向來風趣的他又說：「我哋當時都冇咩錢，但我約佢去洲際酒店飲嘢，兩杯咖啡盛惠百幾蚊，當然都係佢畀！」
沒有留言:
發佈留言