【報紙】險犯法 張衛健過海關噴晒口水

* 編按:
文中提及的樓盤為廣州番禺的廣地花園，廣告中他一人分飾兩角，一個黑一個白。

日期: 1999年10月1日
來源: 新報

險被華仔小春星仔搞到犯法 張衛健過海關噴晒口水

以七位數字接拍了一個樓盤廣告的張衛健，昨日感恩圖報，出席其亞姐收樓活動。在淡市之中，健仔拍一個廣告都能叫高價錢，應該算是異數﹐但他謂：「而家已經收平左，初時對方話送一層大陸樓作為酬勞，後來我都認為收現金比較實際。」

為了揣摩《小寶與康熙》韋小寶的角色，健仔特地租錄予劉德華﹑陳小春﹑星仔不同的版本作為參考，不過當他拿著這三十多盒的錄影帶過北京海關時，海關人員竟誤會他用作非法用途，抽查了兩盒影帶，擾攘成粒鐘才相信是他用作「功課」用途，十分搞笑。

現時與女友張茜分隔兩地，健仔表示每天都會通五次電話，（有沒有預先報案與江欣燕上《獎門人》玩得顛？）他接著謂：「無可否認與江欣燕拍過拖，但最緊要而家對現任女友好﹐應該冇問題！」