【報紙】孫悟空踩爛反光板

日期: 2001年11月6日
來源: 蘋果日報

唐僧梁漢文生日守色戒  孫悟空踩爛反光板

孫悟空張衛健、唐僧梁漢文、豬八戒葛民輝及沙僧李燦森前晚在敦煌拍攝電視劇《齊天大聖孫悟空》。原來昨日是梁漢文三十歲生日，一班演員於昨晚為他在酒店房開生日。原本健仔亦不記得梁漢文的生日，他說：「我女友生日都唔記得，唔記得兄弟有乜咁奇，一於玩盡佢啦。」葛民輝則搞笑地說：「我都唔覺梁漢文女友有陪佢，我有留意佢夜間生活，唔見有陰性動物佢房出現，我會送個靚女畀佢，同埋陪佢睇波。」

未有與女友慶祝

壽星仔梁漢文表示他曾計劃三十歲生日到英國看曼聯作賽，但現在身在敦煌，感覺特別，也很開心。問為何女友不來為他慶祝，梁漢文說：「咁凍上來做乜，我都冇時間陪佢。我生日願望係自己同媽媽都身體健康，搵錢就順其自然。」另外，健仔昨日與袁詠儀拍攝一場孫悟空揹將臨盆的九天玄女去搵執媽的戲，其間身材比靚靚矮的健仔，揹起她時失去平衡，踩爛一塊反光板，幸好有驚無險。