【報紙】廚神三兄弟現身沙灘

日期: 2004年5月15日
來源: 蘋果日報

 廚神三兄弟現身沙灘

羅嘉良、張衛健及許志安昨日在深圳的大梅沙沙灘拍攝劇集《伙頭智多星》，劇情講述他們飾演廚神三兄弟，與扮甜品名廚的羅家英，在沙灘上鬥整甜點一較高下，而劇組更請來逾一百名穿上泳衣及草裙的女臨記，令現場春色無邊。

許志安（左二）昨在深圳被內地的水女郎飛擒大咬，安仔嚇到縮成一團，在旁的羅嘉良就笑容尷尬。

索性躲在車內

昨日所見，現場的女臨記表現熱情，不時主動出擊拉四名男演員拍照，但眾人為避嫌，表現冷淡，記者要求他們與眾女拍照時，他們均目不斜視，又刻意保持距離，而健仔及安仔埋位前就索性躲在車箱中，到他們落車被眾女拉影相時，安仔死攬健仔求救，而影大合照期間，本來雙手插袋、站在後排的嘉良也高舉雙手對記者笑說：「舉高埋畀你睇啦！」

張衛健（左二） 許志安（左三）: 健仔，救命！

羅家英亦頻被女臨記拉合照，問他有否被「輪姦」之感？他笑說：「直情係啦，影完一個，唔影第二個又唔得。」再問他覺得眾女質素如何？羅家英說：「唔掂，我都唔想同佢影，費事唔知寫我做乜。」

讚牛振華好人

而健仔昨又表示日前在北京因醉駕撞車身亡的內地男演員牛振華，亦有份拍攝《伙》劇，對方在劇中飾演大反派，但戲份已拍竣。 健仔說：「佢好好人，亦都好肯幫人，之前佢幫個朋友搵我六月出席一個為中國慈善兒童基金籌款活動，佢幫手打好多電話，好有心。」此外，嘉良透露已正式遷入其位於愉景灣的新居。