【報紙】健仔讚康仔有善心

日期: 2005年5月8日
來源: 太陽報

蘇永康長沙建校  媽咪名字命名  健仔讚康仔有善心


蘇永康尋日同許志安、梁漢文、張衛健同黃柏高一齊出席《奧海城潘燕嫦雁心希望小學》命名典禮，原來康仔一直以來都有做善事，佢成立的「蘇永康助學基金」，依家又捐出十萬元，加上政府希望工程的十萬元同拍檔所捐的十萬元，合共集資三十萬元港元畀長沙贊助起學校，仲用康仔媽咪潘燕嫦命名。

梁漢文（左起）、蘇永康、張衛健與許志安為善不甘後人，齊做善事。

健仔讚康仔有善心

康仔話上個禮拜媽咪七十大壽，今日又係母親節，所以送呢間學校當禮物，希望可以畀更多小朋友有機會讀書，所以康仔同撐佢好友都有走落台募捐，康仔仲話第一間學校以媽咪個名命名，第二間就會輪到用去世的爸爸蘇才命名，第三間以後先會用番自己個名，康仔話事前想畀驚喜媽咪，但因媽咪尋日睇報紙見到星蹤而踢爆左。而健仔仲大讚康仔落力做善事，係圈中好榜樣。