來源: 東方日報
吳國敬爆張衞健偷拍佢沖涼
吳國敬（阿敬）為四月舉行的兩場演唱會到電台訪問，邀得不少好友擔任嘉賓支持，透露陳奕迅答應做嘉賓，阿敬說：「因為佢前一晚喺大陸做緊騷，第二日先返香港，最擔心航班延誤。」
吳國敬（左）開騷驚被張衞健（右）「出賣」，皆因健仔手上持有吳國敬嘅沖涼片。
他提到為個唱已碌爆人情咭：「我一吹雞，張衞健已經主動話做客席主持。（唔驚佢爆料？）驚㗎，也預了他會重提我在蘇永康婚宴飲醉上錯記者車，不過開心同刺激。」阿敬說：「佢到時實攞出嚟笑，我當年同佢哋（BIG FOUR）去蘇梅島旅行，畀佢哋偷拍咗沖涼，如果真係放出嚟就殺咗佢，當時有叫佢刪掉，佢哋點會刪掉，希望佢哋手下留情，不過被玩我都心甘命抵。」
沒有留言:
發佈留言