【報紙】張衞健偕妻張茜捧草蜢場

日期: 2017年11月8日
來源: am730

觀眾完騷不散場叫Encore 草蜢臨時開OT

「草蜢Live Goes On 世界巡迴演唱會2017」 前晚舉行第二場，好朋友張衞健與妻張茜亦有前來捧場，全場觀眾超級熱情，完騷後觀眾不肯離開，已經換衫準備離開的草蜢與工作人員，在樂迷的盛情難卻下，唯有開OT出台，繼續獻唱滿足觀眾。

草蜢在演出返回後台，樂迷即大叫encore，草蜢抵不住熱情，返上台再唱多兩首原本歌單沒有的《永遠愛著你》和《失戀》，雖然連燈光師都已收工，沒有射燈、沒有舞蹈員，但全場觀眾開著手機電筒大合唱，草蜢三子走到台邊與觀眾握手，又在台上感動地說：「今晚你哋令我哋好開心、好興奮！」唱完兩首歌後，草蜢一邊降落台下一邊大叫：「多謝！I Love You！」

多年好友張衞健，偕妻張茜捧草蜢場。

星期一返工樂迷唔願走

臨時Encore後，草蜢返到後台，蔡一智自爆剛才換衫換到一半衝返上台，他說：「我返到後台褲都換埋，紅館開晒燈，觀眾點都唔肯走，仲以為佢哋星期一返工，但原來佢哋唔制，結果我著住自己條褲上返台！」蘇志威坦言監製透過耳機表示超時，蔡一傑說：「佢哋真係好crazy！連燈光師都收晒工，和音都換晒衫！」蔡一智表示：「觀眾響應我哋開場時所講： 『你哋愈瘋狂，我哋愈crazy！』唔知之後啲觀眾會唔會都咁熱情呢？！」他們再次多謝觀眾熱情支持。