來源: 太陽報
新郎變「老襯」笑不停
由於昨日的婚禮吸引逾百中港菲傳媒採訪，雖然事先聲明不准入禮堂採訪，但傳媒最終突破防線，拍攝了整過感人的婚禮過程，並要求一對新人親面、錫嘴，最終二人徇眾要求不停「安歌」，最長時間更咀足分半鐘。健仔十分識做，逐一安排親友及菲律賓總統特使上台拍照，而「契媽」拉姑更獲特別厚待，成為先頭分子。整個婚禮過程約1小時，當二人走出教堂時，一班好友在教堂外排開兩行，並一邊拋起鮮花、一邊大叫：「老襯！」健仔亦非常受落，笑不停口。
身為健仔契媽的拉姑與老公鬍鬚Kong到賀，笑到見牙唔見眼。
婚禮完成後，健仔換上黑色禮服，而張茜則穿上水晶晚裝在下榻酒店接受訪問，健仔笑笑口說：「我今日實在太緊張，居然戴錯手，講完誓詞後我問神父做乜拎開我支咪，佢話你講完喇！真係好失禮！」而「破格」新娘張茜直言希望「白頭偕老」的白髮能給老公一個驚喜，健仔笑說：「Big Surprise！我都有諗過唧牙膏上頭頂。」他還透露過了農曆新年後才會補度蜜月，問到兩人的父親都不在場會否覺得遺憾？張茜解釋：「在天國的爸爸會為我今日而感到高興。」而健仔則說：「我好耐冇見爸爸，今日最關心兩家人的媽媽，佢地對我重要啲。」
沒有留言:
發佈留言