來源: 蘋果日報
新婚返港爆婚禮另有動機 健仔發功撮合安仔 Sammi
剛在菲律賓完成婚禮的張衞健和太太張茜，昨日幸福返港，二人推七大箱行李出閘，並大晒結婚戒指，張茜透露未有時間造人，還需努力。健仔又暗示今次婚宴目的是為好友再扯紅線，並直言希望鄭秀文（ Sammi）和許志安能幸福。
張衞健與張茜由菲律賓新婚返港，二人大晒幸福。
張衞健與太太張茜剛於周一在菲律賓舉行婚禮，昨日雙雙返港，二人出閘時心情靚爆，健仔笑說：「今次會留香港過年，我外地結婚，返香港度蜜月，今次好多謝菲律賓政府幫忙，佢全程保護我，好似我去機場，政府都派警員沿途開路。」
健仔在婚宴上開心到飲醉酒，更大爆鬧新房時被玩到癲。
鬧新房冰火齊上
健仔又表示婚宴當晚他也有幾分醉意，想不到俾人鬧新房時遭大整蠱，他笑說：「我有醉意，安仔、拉姑、蘇永康扶我返新房，佢大整蠱我，差搞到我三點畢露，因為佢幫我換衫，將生果放我重要部位，如果相出一定好轟動。佢又將提子塞入我口，香煙又塞入我個鼻度，一時用冰敷面，一時又用熱水敷面，我冇斷片，記得。」再問到兩人有否努力造人，在旁的張茜笑言還沒有時間，並謂一切隨緣。
張衞健不時凝望太太，甜蜜滿瀉。
望婚禮啓發老友
對於有傳他們一班朋友希望鄭秀文與許志安復合，健仔說：「係就最好。」他生怕自己講錯話，即補充說：「我唔可以代表人講，如果朋友中搵到真愛係最好事。」問健仔是否想他倆復合？健仔說：「冇話想唔想，兩個都係好朋友，想佢得到幸福。」健仔又語重心長地表示，今次舉行婚禮，是希望對一些死不結婚、死不願嫁的朋友有啓發作用。
採訪、攝影：張俊銘
沒有留言:
發佈留言