來源: 東方日報
蘇永康搞Gag被罰咀女友
健仔多年好友蘇永康前晚擔任婚禮司儀，表現自如兼大放笑彈，先指長輩健媽十分玩得，健仔即插嘴：「係一齊『鋤弟』。」敬酒時，健媽豪氣地一乾而盡，康仔又抵死地說：「佢一下唔覺意飲晒啲酒喎！」當健仔叮囑他不要喝醉時，康仔又揶揄說：「你同梁漢文講好過啦！」逗得全場大笑。
及後，康仔在台上為一對新人獻唱時，卻被好友歐陽德勛玩番轉頭：「你唱得咁好，打賞五百披索畀你啦！」當眾賓客玩得興起，起哄叫康仔到台下咀女友，最後他亦大方照做，十分難得。事後，他有感而發地說：「我同健仔廿三年朋友，好開心出席佢嘅婚禮。我知今日一定唔會落雨，佢哋有個美滿結果，天公一定作美。」
沒有留言:
發佈留言