【報紙】Dicky預言老友換拖友

日期: 2009年1月21日
來源: 太陽報

Dicky預言老友換拖友   安仔不排除復合當新歡透明

已有圈外新歡的許志安，盛傳與拍拖多年的舊愛復合，前晚他出席活動時不置可否，加上密友張衛健不擔保他下周會否情變，似有弦外之音！

安仔前晚為新碟《自導自演》舉行記者會，同場為執導的短片《魔方宅男》舉行首映，好友陳奕迅、張衛健（Dicky）夫婦、梁漢文、蘇永康、楊千嬅及谷祖琳等撐場，唯獨欠缺安仔的新歡舊愛！安仔坦言有跟舊愛通電話：「佢驚嚟到搶風頭！（女友Michelle呢？）冇冇冇，今日做嘢！（Dicky望你同舊愛復合？）我清楚自己諗乜。今日唔知聽日食乜！（有機會？）唔可以咁講，低調處理最好！（怕唔怕女友唔開心？）佢唔睇呢啲！（派定心丸慰女友？）唔使，我係大男人！」

安仔獲大班好友撐場，唯獨不見其新歡舊愛。

安仔對復合不置可否，Dicky則以「老婆」稱呼安仔：「我作為佢地既感情代言人，暫時呢個禮拜冇乜可能，不過一個禮拜後唔敢講！（唔驚安仔女友唔開心？）佢暫時唔會唔開心！」問到二人是否已分手？Dicky則未有回答，但卻大爆當年安仔向他表示愛上一個人：「包個咪鄭小姐囉！佢地一齊咁多年，大家都想佢地開花結果！」

蘇永康唱反調

雖然安仔承認不少好友希望他與舊愛復合，但康仔卻唱反調：「我冇呢個諗法！感情世界好難明白，兩個人分開做番朋友，認同佢地話關係已昇華到家人既感覺！」梁漢文則說：「佢兩個人既嘢，關我乜事！」